Qeveria britanike po shqyrton mundësinë e paraqitjes së një projektligji për të hequr Andrew Mountbatten-Windsor-in, vëllain e Mbretit Charles III, nga radha e trashëgimisë mbretërore. Kjo masë do ta pengonte atë të bëhet ndonjëherë mbret dhe pritet të zbatohet pas përfundimit të hetimit policor.
Ministri i Mbrojtjes Luke Pollard deklaroi në BBC se kjo është "gjëja e duhur për t’u bërë", pavarësisht rezultati të hetimit. Ai konfirmoi se qeveria ka bashkëpunuar me Buckingham Palace për planet që synojnë të ndalojnë Andrew-in të jetë potencialisht "një hap larg fronit". Deklarata u bë në emisionin Any Questions të BBC Radio 4.
Aktualisht, Andrew mbetet i teti në radhë për fronin, pavarësisht se tetorin e kaluar iu hoqën titujt, përfshirë atë të "princit", për shkak të presionit lidhur me lidhjet e tij me financierin pedofil Jeffrey Epstein. Të enjten, ai u arrestua me dyshimin për keqpërdorim në detyrën publike dhe u lirua pas 11 orësh nën hetim. Andrew ka mohuar vazhdimisht çdo shkelje.
Të premten, makina dhe furgonë policie pa shenja dalluese u parë duke hyrë e dalë në Royal Lodge, pronën me 30 dhoma në Windsor, ku Andrew jeton prej vitesh. Në një moment, më shumë se 20 automjete ishin të parkuara aty, ndonëse nuk dihet nëse të gjitha lidhen me hetimin.
Procesi ligjor
Projektligji do të kërkojë miratim nga Parlamenti dhe pëlqimin e Mbretit. Gjithashtu, duhet mbështetje nga 14 vendet e Komonuelthit, si Kanadaja, Australia, Xhamajka dhe Zelanda e Re. Thirrjet për heqjen e Andrew-it u shtuan pas publikimit të dokumenteve për Epstein, ku dalin informacione për vizitat e Andrew-it në Vietnam e Singapor në 2010, ndërsa mbante detyrë zyrtare si përfaqësues tregtar i Mbretërisë së Bashkuar. Një dënim për shpërdorim detyre mund të çojë në burgim të përjetshëm, pasi gjykohet nga Gjykata e Kurorës.
Përditësime
Një sondazh i YouGov tregon se 82% e britanikëve duan heqjen e Princit Andrew nga radha trashëgimie mbretërore, ndërsa 6% janë kundër.
Zhvillime të tjera:
- Një ministër në hije i opozitës konservatore i kërkoi Princit Andrew të heqë vullnetarisht dorë nga radha trashëgimie.
- Qeveria laburiste e kryeministrit Keir Starmer, sipas Sky News.
- Princ Andrew renditet i shtati në trashëgimi sipas gjakut dhe i treti midis të rriturve të Shtëpisë Windsor
BBC raporton se policia pritet të vazhdojë kontrollet në Royal Lodge deri të hënën.
Sekretari i Thesarit, James Murray, deklaroi se çdo pyetje në këtë çështje është e komplikuar dhe duhet pritur përfundimi i hetimeve.
Pallati Mbretëror nuk ka komentuar planet e qeverisë.
Princi Andrew u arrestua në ditëlindjen e tij të 66-të.
Ai refuzoi të largohet nga Royal Lodge në Windsor për në Sandringham, duke thënë: "Unë jam djali i dytë i Mbretëreshës, nuk mund të ma bëni këtë!", sipas The Sun.
Mbreti Charles deklaroi se "ligji duhet të bëjë rrugën e vet".
Zhvillime të tjera:
- Andrew ankohet vazhdimisht për kuajt dhe makinat, injoron skandalin Epstein dhe nuk shpreh mirënjohje për shpenzimet e mbuluara nga mbreti.
- Kate u shfaq në një ndeshje rugby në Twickenham.
- Princesha Anne vazhdon angazhimet publike.