Qeveria e Kosovës zhvilloi më 10 prill 2026 një mbledhje elektronike, në të cilën ka shqyrtuar dhe miratuar disa projektligje dhe vendime në fushat e energjisë, bujqësisë dhe financave publike.
Në këtë mbledhje u miratuan:
- Projektligji për Energjinë;
- Projektligji për Inspektoratin Qendror të Bujqësisë, Sigurisë Ushqimore, Veterinës dhe Pylltarisë;
- Vendimi për ndryshimet në Tabelat 3.1 dhe 3.2 të Ligjit mbi Ndarjet Buxhetore të Buxhetit të Republikës së Kosovës për vitin 2026, me qëllim përmbushjen e obligimeve financiare dhe kontraktuale të papërmbushura nga viti paraprak;
- Vendimi për rregullimin kontabël të shpenzimeve buxhetore të realizuara gjatë periudhës së financimit të përkohshëm për tremujorin e parë të vitit 2026.
Ky rregullim kontabël u bë në përputhje me dispozitat e Ligjit për Menaxhimin e Financave Publike dhe Përgjegjësitë, si dhe me Ligjin mbi Ndarjet Buxhetore për vitin 2026. Shpenzimet do të reflektohen sipas strukturës së re organizative të përcaktuar me Rregulloren për Fushat e Përgjegjësisë Administrative të Ministrive.