Qeveria e Kosovës zhvilloi mbledhjen e gjashtë elektronike më 27 mars 2026 në Prishtinë, ku shqyrtroi dhe miratoi disa projektligje dhe vendime.
Gjatë mbledhjes, qeveria miratoi:
- Projektligjin për ratifikimin e marrëveshjes së kredisë ndërmjet Republikës së Kosovës, e përfaqësuar nga Ministria e Financave, dhe Asociacionit Ndërkombëtar për Zhvillim për Projektin e Zhvillimit të Sektorit Financiar të Kosovës.
- Projektligjet për ratifikimin e marrëveshjeve për programin e kredisë së bazuar në politikat për sektorin e energjisë dhe klimës për Kosovën.
- Projektligjin për ratifikimin e marrëveshjes së kredisë ndërmjet Republikës së Kosovës, e përfaqësuar nga Ministria e Financave, dhe Asociacionit Ndërkombëtar për Zhvillim për Projektin "Lehtësimi i Tregtisë dhe Transportit në Ballkanin Perëndimor 2.0".
- Listën e artikujve për përdorim të përbashkët, që janë objekt i procedurës qendrore të prokurimit publik.
- Ndryshimet në Tabelën 3.2 të Ligjit Nr. 10/L-001 për ndarjet buxhetore të buxhetit të Republikës së Kosovës për vitin 2026, me qëllim përmbushjen e obligimeve financiare dhe kontraktuale të papërmbushura nga viti paraprak për Ministrinë e Mbrojtjes.