Qeveria në detyrë e Republikës së Kosovës ka zhvilluar një mbledhje elektronike, gjatë së cilës ka marrë disa vendime administrative me interes publik.
Ndër vendimet kryesore të miratuara janë:
• Emërimi i Ragmi Dalipit në pozitën e Drejtorit të Përgjithshëm të Agjencisë së Shoqërisë së Informacionit.
• Miratimi i vendimit përfundimtar për shpronësimin për interes publik të pronave të paluajtshme, të menaxhuara nga AKP-ja, për nevoja të Komunës së Gjakovës. Pronat do të shfrytëzohen për administratën e objektit të ish-“Bankos”-it në qytet dhe për ndërtimin e një fushe futbolli e hapësirash rekreative në fshatin Trakaniq.
• Ndryshimi dhe plotësimi i Vendimit të Qeverisë Nr. 11/08 të datës 3 prill 2026 për komisionin që shqyrton mospërputhjet në Regjistrin e të Drejtave të Pronës së Paluajtshme. Në këtë komision, Besnike Mehmeti nga Zyra e Kryeministrit zëvendëson Ervina Gashin në pozitën e zëvendësueses së anëtarit.