Gjatë mbledhjes elektronike të zhvilluar, Qeveria në detyrë e Republikës së Kosovës ka miratuar një sërë vendimesh të rëndësishme për administrimin financiar dhe projektet kapitale të vendit.
Ekzekutivi ka emëruar përbërjen e re të Këshillit të Kosovës për Raportim Financiar, e cila do të përbëhet nga:
- Rrezarta Korbaj (kryesuese)
- Kimete Zekaj (anëtare)
- Vlora Prenaj (anëtare)
- Samir Lleshi (anëtar)
- Fadil Sallteku (anëtar)
- Kosovare Demi - Rama (anëtare)
- Altin Sahiti (anëtar)
Në të njëjtën mbledhje, u miratua kërkesa e Ministrisë së Industrisë, Ndërmarrësisë, Tregtisë dhe Inovacionit për alokimin e 122,000 eurove. Këto mjete do të shërbejnë për financimin e dy projekteve kapitale: "Renovimi i objektit të Qendrës së Panairit në Bërnicë" dhe "Regjistri për Pronarët Përfitues".
Po ashtu, qeveria ka autorizuar pagesën prej 154,000 eurosh drejt Bankës Evropiane për Rindërtim dhe Zhvillim (BERZH). Ky fond është miratuar me qëllim të rritjes së kuotës së kapitalit të Qeverisë së Republikës së Kosovës në këtë institucion financiar ndërkombëtar.