Ministria e Financave raportoi se në tremujorin e parë të vitit 2026 u mblodhën 205.1 miliardë lekë nga tatimet dhe taksat, duke tejkaluar planin me 24 miliardë lekë ose 13.3% më shumë se në të njëjtën periudhë të vitit 2025.
Ky rezultat erdhi në një periudhë me rritje e çmimeve për shkak të përmbytjeve në fillim të vitit dhe efektit zinxhir të konfliktit në Lindjen e Mesme, që shtrenjtoi prodhimin vendas, karburantet dhe produktet bujqësore. Rritja e çmimeve ndikoi drejtpërdrejt në të ardhurat nga TVSH.
Nga tatimet totale 77.7 miliardë lekë, 25.2 miliardë lekë u mblodhën nga tatimi mbi vlerën e shtuar, 19.4% më shumë se vjet. Tatimi mbi fitimin arriti 19.6 miliardë lekë. Të ardhurat nga sigurimet shoqërore dhe shëndetësore patën efekt pozitiv, si dhe reforma kundër informalitetit.
Sa i përket të ardhurave nga doganat, ato arritën 52.9 miliardë lekë, ku TVSH në import zuri 35.3 miliardë lekë, i ndjekur nga akcizat dhe taksat doganore.
Shpenzimet publike të përgjithshme për periudhën arritën 156 miliardë lekë, me realizim 92.9% të planit.