Qumështorja Vita ka publikuar rezultatet e analizave të dërguara nga Agjencia e Ushqimit dhe Veterinarisë (AUVK), të cilat vërtetojnë se produktet e saj nuk përmbajnë përbërës të ndaluar, siç janë qumështi pluhur apo vaji i palmës. Ky njoftim pason zhvillimet e fundit dhe protestat e organizuara nga fermerët, të cilët kërkuan qartësi mbi cilësinë e produkteve.
Në lidhje me vijueshmërinë e bashkëpunimit, Vita bëri të ditur se pas takimit të zhvilluar më 6 korrik 2026 me përfaqësues të fermerëve dhe Ministrinë e Bujqësisë, është arritur dakordimi për vazhdimin e përkohshëm të grumbullimit të qumështit. Kompania deklaroi se ky vendim është marrë për hir të mbështetjes së fermerëve.
Ministria e Bujqësisë, e përfaqësuar nga Ministri Muja, është zotuar se rezultatet e plota të analizave për mostrat e marra më 2 korrik 2026 do të bëhen publike deri më 13 korrik 2026. Deri në atë datë, qumështorja Vita ka garantuar se do të vazhdojë procesin e mbledhjes së qumështit, duke ritheksuar përkushtimin ndaj cilësisë që e karakterizon kompaninë prej 23 vitesh.
Përditësime
Qumështorja Vita publikoi sot rezultatet zyrtare të analizave për muajt prill dhe maj, pas konfirmimit të pranuar nga Agjencia e Ushqimit dhe Veterinarisë (AUVK) më 6 korrik 2026.