Kryeministri Edi Rama postoi në profilin e tij në rrjetet sociale një video me momente nga mbledhja e grupit parlamentar të Partisë Socialiste. Kjo ka nxitur reagime të shumta nga ndjekësit, të cilët shprehën kritika ndaj qeverisjes.
Një qytetare i shkroi një mesazh të gjatë Edi Ramës, ku nënvizoi se pushteti nuk është privilegj për t’u shijuar, por barrë për t’u mbajtur me dinjitet. Ajo theksoi se drejtuesit shpesh harrojnë pse janë në post dhe kush i përfaqësojnë. Sipas saj, nëse një drejtues nuk i shërben qytetarit, nuk ka arsye për të qëndruar në detyrë. Ajo kritikoi mungesën e përgjegjësisë dhe respektit, duke thënë se disa drejtues flasin për reforma, por nuk zgjidhin problemet e vogla të qytetarëve. Në fund, ajo përmendi se respekti është themeli i shërbimit publik dhe i besimit qytetar.
Një tjetër qytetar pyeti pse nafta është më e lirë në Kosovë dhe Maqedoni, ndërsa në Shqipëri nuk po ulet. Ai vuri në dukje se çmimet e ushqimeve bazë janë më të larta në Shqipëri se në rajon.
Një komentues tjetër kërkoi nga Rama të luftojë korrupsionin «përpara se të na gllabërojë të gjithëve». Ai propozoi demokratizimin e çdo qelize politike, kultivimin e kulturës ligjore në zyrat e shtetit dhe krijimin e një sistemi ku ligji vepron drejt dhe në kohë për çdo qytetar. Sipas tij, kjo do të hapë dyert e Europës.