Kryeministri i Shqipërisë, Edi Rama, gjatë një fjalimi në Elbasan për nder të 35-vjetorit të degës lokale të Partisë Socialiste, adresoi kritikat mbi projektin e investimit në zonën e Zvërnecit në Vlorë.
Edi Rama u kundërpërgjigj ndaj blogerëve dhe influencerëve të cilët kanë kundërshtuar këtë investim dhe kanë akuzuar qeverinë për korrupsion. Kreu i qeverisë deklaroi se këta individë mbledhin të ardhura duke ekspozuar trupin në rrjetet sociale, ndërkohë që shmangin detyrimet tatimore. Ai ironizoi duke shtuar se, në rininë e tij, pjesët e trupit i tregonte pa përfitime financiare.
Duke folur për mbrojtjen e mjedisit, Rama përmendi flamingot dhe i krahasoi ato me ngjyrën e forcës politike që ai drejton. Ai hodhi poshtë akuzat për korrupsion, duke i cilësuar ato si të pabaza nga një grup që, sipas tij, nuk paguan asnjë euro taksë në shtetin shqiptar.
Përditësime
Kryeministri Edi Rama ironizoi blogerët gjatë fjalimit të tij, duke imituar lëvizjet e tyre në podium. Në kuadër të kritikave ndaj investimeve të tyre në Zvërnec, ai propozoi një garë mes blogerëve – ku njëri të vishej si flamingo dhe tjetri si ai – për të matur popullaritetin e tyre përballë publikut.