Kryeministri Edi Rama gjatë fjalës së tij në Asamblenë e Partisë Socialiste në njësinë 4 të Tiranës njoftuan një iniciativë të re ligjore për mbështetjen e familjarëve që kujdesen për të afërmit me aftësi ndryshe.
Sipas këtij ndryshimi në aktin normativ të ardhshëm, të parashikuar për qershorin, shteti do të paguajë sigurimet shoqërore për prindërit, kujdestarët ose familjarët që nuk mund të punojnë për shkak të kësaj detyre. Kjo masë synon të sigurojë pensionin e tyre në të ardhmen.
Po ashtu, parashikohet dyfishimi i shpërblimit për këta familjarë, si formë njohjeje ekonomike për punën e tyre të paçmuar, me përparësi për nënat e fëmijëve me aftësi të kufizuara.
Rama theksoi se më parë nuk kishin pasur mundësi për rritje pagash për shkak të ekonomisë, por tani kjo po ndodh në sektorin publik dhe privat. Sa i përket pensioneve, në janar u rritën me një shifër të caktuar, ndërsa në janarin e ardhshëm do të jetë dyfishi, në 2028 trefishi, në 2029 katërfishi dhe kështu me radhë.