Kryeministri Edi Rama mori pjesë në panelin e Samitit të Javës së Zhvillimit të Qëndrueshëm në Abu Dhabi, ku diskutoi reformat digjitale të qeverisë shqiptare dhe rolin e inteligjencës artificiale në administratën publike. Ngjarja ndodhi më 14 janar 2026.
Rama theksoi se reformat janë nisur "nga ana e kundërt" për të nxjerrë më të mirën nga një administratë e mbingarkuar me probleme të trashëguara. Prej disa vitesh, shërbimet publike ofrohen online, ndërsa zyrat fizike të kontaktit janë mbyllur, duke eliminuar radhët dhe humbjen e kohës për qytetarët.
Ai u ndal te përdorimi i inteligjencës artificiale në procesin e përafrimit të legjislacionit shqiptar me atë të Bashkimit Evropian. Sipas tij, volumi i ligjeve dhe rregulloreve që duhen miratuar për anëtarësimin në BE është i jashtëzakonshëm, por AI e bën këtë proces më të shpejtë dhe më të saktë.
"Kemi një ministre të AI-së, kemi një doktor Sulltan, por është grua. Është asistente virtuale, ajo punon për shërbimet", tha Rama, duke iu referuar Diellës. Ai shtoi se deri tani kanë ecur mirë me të.
Rama u shpreh se u frymëzua nga një profesor që drejtoi Malin e Zi pak kohë më parë. Ky i fundit bëri një ngritje pensionesh që çuditi të gjithë; kur e pyetën si e bëri, ai u përgjigj: "Thjeshtë e bëra".
Në panel mori pjesë gjithashtu kryeministri i Malisë së Zi Milojko Spajić, ndërsa Rama bëri një batutë me moderatorin me origjinë greke.