Kryeministri Edi Rama ka vleresuar se jehona nderkombetare dhe protestat e zhvilluara ne Tirane lidhur me investimin ne Zvernec nuk jane shkaktuar nga interesi per fatin e lagunes se Nartes apo flamingove. Sipas tij, ky ciklon dixhital eshte nxitur nga perfshirja e Jared Kushner ne projekt dhe nga armiqesia qe nje pjese e madhe e opinionit publik nderkombetar ushqen ndaj vjehrrit te tij, Donald Trump.
Ne fjalen e tij para deputeteve socialiste, Rama argumentoi se, nese kjo ngjarje do te kishte ndodhur 10 vjet me pare, do te ishte mbyllur si nje debat i brendshem shqiptar. Megjithate, sipas kreut te qeverise, zhvillimet e fundit kane degraduar ne nje lufte globale ideologjike, ku sherri mes rojeve te sigurise private dhe nje protestuesi eshte shfrytezuar si arene per te sulmuar Trumpin.
Kryeministri deklaroi se armata e urrejtesve online ka gjetur ne bulevardin e Tiranes nje shans per te realizuar ate qe ai e cilesoi si nje "Vaterlo per Trumpin". Ai theksoi se perpjekjet kunder ketij projekti nuk jane te fokusuara tek mjedisi, duke kujtuar se 10 vite me pare, kur flamingot vriteshin ne Narte, nuk pati te njejtin reagim nga opinioni publik vendas apo i huaj.
Përditësime
Protestat për çështjen e Zvërnecit kanë hyrë në ditën e 20-të dhe të 21-të. Kryeministri Edi Rama ka përjashtuar mundësinë e dorëheqjes, duke e cilësuar sheshin e protestës si një mjedis të krijuar për ushqyerjen e algoritmeve digjitale. Ai e krahasoi lëvizjen me fenomenin e 'çadrës globale' dhe la të kuptohej se zhvillimet mund të jenë të nxitura nga aktorë konkurrues në industrinë e turizmit.