Kryeministri Edi Rama ka publikuar mëngjesin e së hënës, 30 Mars 2026, pamje nga Radhimë e Vlorës, ku po zbatohet projekti Lungomare 3. Në postimin e tij në rrjetet sociale, ai bën të ditur se punimet janë në fazën përmbyllëse.
"Dhe me kantierin e transformimit të aksit të Radhimës, ku shtrihet projekti i Lungomare 3 që po shkon drejt përfundimit, ju uroj një javë të mbarë", shkruan Edi Rama krahas pamjeve të kantierit.
Projekti parashikon rikualifikimin e vijës bregdetare nga Vlorë drejt Radhimës dhe Orikumit. Kjo ndërhyrje synon përmirësimin e infrastrukturës dhe zhvillimin urban të zonës.
Sipas kryeministrit, realizimi i Lungomare 3 do të ndikojë drejtpërdrejt në rritjen e turizmit dhe ekonomisë lokale, duke e bërë këtë segment bregdetar destinacion më tërheqës për vizitorët.