Kryeministri Edi Rama deklaroi se më 6 dhe 7 maj Tirana do të presë aktivitetin parapërgatitor të Kongresit Botëror të Ligjit, i cili zhvillohet vitin e ardhshëm në bashkëpunim me Shoqatën Botërore të Juristëve.
Deklarata u bë në rrjetet sociale para nisjes drejt Yerevanit, në Armeni, për Samitin e Komunitetit Politik Europian. Rama e cilësoi ngjarjen si pikë referimi për sundimin e ligjit, temë thelbësore për të ardhmen e vendit.
Kongresi Botëror i Ligjit është platformë ndërkombëtare e nivelit të lartë, nën patronazhin e Mbretit Felipe të Spanjës. Ai mblidhet liderë politikë, juristë dhe ekspertë të drejtësisë nga e gjithë bota.
Rama theksoi se përzgjedhja e Shqipërisë si vend pritës lidhet drejtpërdrejt me vlerësimin e lartë të reformës në drejtësi dhe fazën e avancuar të këtij procesi transformues. Reforma, sipas tij, nuk ka qenë e lehtë, por ka kërkuar vullnet politik të hekurt, vendimmarrje të vështira dhe gatishmëri për ndryshime të thella.
Ky proces është bërë i mundur dhe garantohet nga shumica parlamentare e Partisë Socialiste. Rama e cilësoi mikpritjen e platformës globale si motiv krenarie për të gjithë, veçanërisht për qeverinë e kësaj shumice.