Edi Rama, kryeministër i Shqipërisë, shpjegoi në podcastin Flasim arsyet e vizitës së tij të fundit në Izrael.
Ai u ftua si nder i rrallë në seancën plenare të Parlamentit izraelit, Knesset, në Jeruzalem. Rama e cilësoi këtë ftesë si vlerësim të madh për Shqipërinë, historinë e saj dhe rolin humanitar të shqiptarëve gjatë periudhave të vështira, kur "nuk dorëzoi askënd".
Në fjalimin në Knesset, Rama shprehu emocion kombëtar dhe foli për dinjitetin njerëzor, kujtesën e paqes dhe përgjegjësinë në një botë të trazuar. Ai nënvizoi se feja duhet të jetë "melhem dhe jo helm mes popujve dhe në gjirin e popujve".
Gjatë vizitës u themelua Dhomës së Tregtisë Shqiptaro-Izraelite, një instrument i ri që hap rrugë për bashkëpunim ekonomik dhe projekte të përbashkëta.
Rama e quajti Izraelin referencë për zhvillimin në teknologji, bujqësi dhe siguri, duke e vlerësuar vizitën si "gur themeli" për marrëdhëniet dypalëshe.