Kryeministri i Shqipërisë, Edi Rama, zhvilloi një bisedë me Kancelarin gjerman, Friedrich Merz, në qytetin e Tivatit në Malin e Zi, në kuadër të samitit BE-Ballkani Perëndimor.
Nëpërmjet një postimi në rrjetet sociale, Rama ndau një fotografi me kancelarin Merz, duke përshkruar momentin e bisedës së zhvilluar pas përfundimit të mbledhjes. "Me Kancelarin Merz në Tivat, gjatë bisedës pas mbledhjes së gjatë dhe para largimit; ai për Berlin, e unë për Vlorë", shkroi kryeministri.
Pas pjesëmarrjes në samit, ku në fokus ishin bashkëpunimi rajonal dhe integrimi evropian, Rama është nisur për në Vlorë. Atje, ai do të jetë pjesë e ceremonisë së organizuar për 35-vjetorin e themelimit të Partisë Socialiste.