Kryeministri Edi Rama zhvilloi një takim me ministrin e Brendshëm Besfort Lamallari dhe ministrin e Drejtësisë Toni Gogu. Takimi u mbajt te Vila 30, ku morën pjesë zëvendësministrat, drejtues të agjencive në varësi të Ministrisë së Brendshme, si dhe anëtarë të kabinetit të Lamallarit.
Në fokus të diskutimeve ishin çështje kyçe të administrimit vendor dhe reformave institucionale. Palët trajtuan ecurinë e procesit të adresave, hartimin e një ligji të ri për IKMT, si dhe një qasje të re për rolin e prefektëve. Kjo qasje synon rritjen e përgjegjësive dhe fuqizimin e tyre në nivel territorial.
Takimi u zhvillua po ashtu në kuadër të zgjedhjes së drejtorit të ri të Policisë së Shtetit. Sot ndodhet faza finale e intervistimit të kandidatëve.