Kryeministri Edi Rama zhvilloi të martën, më 24 mars 2026, një takim në Vilën 30 në Tiranë me ministrin e Brendshëm Besfort Lamallari. Takimi nisi në orën 09:00 dhe përfundoi rreth orës 10:30. Në orën 10:15 mbërriti ministri i Drejtësisë Toni Gogu.
Lamallari shoqërohej nga zëvendësministrat e Brendshëm, midis të cilëve përmenden Silva Caka dhe Anisa Ruseti. Sipas burimeve, të pranishëm ishin gjithashtu tre zëvendësministrat e Brendshëm, drejtor i komanduar i Policisë Sokol Bizhga, drejtor i "Illyrian Guard" Florenc Spaho dhe ministri i Shtetit për Pushtetin Vendor Ervin Demo. Detaje të tjera nga takimi nuk janë bërë publike.
Ky takim ndodh dy ditë pas protestës së opozitës dhe në të njëjtën ditë me intervistat për Drejtor të Përgjithshëm të Policisë së Shtetit. Posti mbeti vakant pas dorëheqjes së Ilir Prodës, e lidhur me sulmin në Vilën 31 gjatë protestës së Partisë Demokratike.
Procesi i zgjedhjes së drejtorit
Komisioni në Ministrinë e Brendshme, i përbërë nga zv/ministrja Silva Caka, sekretarja e Përgjithshme Kledia Ngjela dhe kreu i AMP-së Eduart Merkaj, ka vlerësuar dosjet. Për postin aplikuan 16 kandidatë, por dy gra jashtë Policisë së Shtetit, Ejona Gurbardhi dhe Suela Sulkaj, u skualifikuan pas verifikimit paraprak. Në intervista kalojnë 14 kandidatë, sipas rendit alfabetik. I pari u paraqit Afrim Tafa, drejtor aktual i Policisë së Durrësit.
Lista e kandidatëve:
- Afrim Tafa
- Alfred Çepe
- Arjanit Arapi
- Elidon Çela
- Gentian Berberi
- Gentjan Shehaj
- Idajet Faskaj
- Lorenc Panganika
- Neritan Nallbati
- Pëllumb Seferi
- Rebani Jaupi
- Saimir Boshnjaku
- Skënder Hita
- Tonin Vocaj
Pas intervistave, kandidatët vlerësohen me pikë dhe renditen. Brenda 48 orëve, Besfort Lamallari do të propozojë një emër Këshillit të Ministrave për emërim.
Përditësime
Kryeministri Edi Rama u takua gjithashtu me zv.ministrin e tretë të Brendshëm, Xhemal Qefalia, dhe me ministrën e Shtetit për Marrëdhëniet me Parlamentin, Eriona Ismaili.
Ndër temat e diskutuar janë:
- Sistemi i adresave, me Ervin Demë;
- Ndryshime në Kodin Penal dhe Kodin e Procedurës Penale;
- Ligj i ri për IKMT;
- Rol i ri për prefektët.