Burim Ramadani, anëtar i Aleancës për Ardhmërinë e Kosovës (AAK), ka paralajmëruar se Kosova mund të drejtohet drejt zgjedhjeve të reja parlamentare në mungesë të një marrëveshjeje të madhe politike për zgjedhjen e presidentit.
Sipas postimit të tij në Facebook, Kuvendi i Kosovës pritet të mblidhet rreth datës 20 shkurt. Që nga kjo datë, partitë politike kanë dy javë për të përmbushur detyrimet kushtetuese: konstituimin e Kuvendit, zgjedhjen e Qeverisë, miratimin e buxhetit për vitin 2026 dhe nisjen e procedurës për zgjedhjen e presidentit të ri.
Ramadani nënvizon se kryerja e këtyre proceseve njëkohësisht kërkon një marrëveshje të gjerë politike, e cila nuk pritet të arrihet lehtë. Presidenti i ri duhet të zgjedhet me 2/3 e votave në Kuvend, jo më vonë se në orët e fundit të 4 marsit.
Ai përfundon me pyetjen retorike: "A po shkon vendi në zgjedhje sërish?"