Real Madrid u eliminoi nga Kupa e Mbretit në fazën 1/8 nga skuadra Albasete e kategorisë së dytë. Ky rezultat shënoi debutimin e trajnerit të ri Álvaro Arbeloa në stolin e madrilenëve, pas zëvendësimit të Xabi Alonsos.
Shtypi spanjoll reagoi me kritika të forta. Gazeta Marca botoi titullin në një faqe të tërë “Shkatërrim total” dhe shkroi:
- “Debutimi i Arbeloas përfundon me një pengesë serioze. Real Madrid humbet dy tituj në tre ditë”;
- “Një Albasete heroike kualifikohet për çerekfinalet në kurriz të rrënimit të Los Blancos”;
- “Jeta vazhdon si zakonisht… ose më keq”, duke kritikuar rotacionin ekstrem të trajnerit kundër një skuadre me rezerva.
Mediat katalane festuan dështimin e rivalëve:
- Mundo Deportivo me titull “A la calle” (Në rrugë), duke thënë se “debutimi i Arbeloas pas zëvendësimit të Xabi Alonsos nuk ka sjellë asnjë përfitim dhe Barça vazhdon të ndikojë në rënien e Realit”;
- Gazeta Sport e quajti “Qesharake. Frikësuese”;
- L’Esportiu titulloi “As Superkupa dhe as Kupa”.
Ky eliminim vjen pas humbjes së Superkupës, duke e bërë sezonin e Real Madridit të vështirë që në fillim.