Klubi spanjoll Real Madrid CF ka njoftuar zyrtarisht përfundimin e bashkëpunimit me trajnerin Alvaro Arbeloa. Në komunikatën e publikuar, klubi bën të ditur se palët kanë arritur një marrëveshje për t’i dhënë fund mandatit të tij në krye të ekipit të parë.
Në deklaratën zyrtare, Real Madridi shprehu mirënjohje të thellë për Alvaro Arbeloan, duke theksuar kontributin e tij që nga koha e angazhimit në akademinë e të rinjve. "Real Madridi është thellësisht mirënjohës ndaj Alvaro Arbeloas, i cili gjatë gjithë qëndrimit të tij në klub ka demonstruar gjithmonë besnikëri, përkushtim dhe profesionalizëm. Ai mishëron vlerat e klubit tonë", thuhet në njoftim.
Klubi madrilen, i cili e cilëson veten si shtëpia e trajnerit, i ka uruar atij dhe familjes së tij më të mirat në fazën e re të jetës. Alvaro Arbeloa, ish-futbollist i njohur i Real Madridit dhe i kombëtares së Spanjës, ka qenë pjesë e strukturave të klubit për shumë vite, duke bërë kalimin nga akademia deri te drejtimi i ekipit të parë.
Pas këtij ndryshimi, vëmendja është zhvendosur te pasuesi në stolin madrilen. Sipas informacioneve, klubi pritet që në një të ardhme të afërt të zyrtarizojë rikthimin e Jose Mourinhos në krye të ekipit.
Përditësime
Zyrtare: Alvaro Arbeloa është larguar nga stafi teknik i Real Madridit. Përvoja e ish-futbollistit në krye të pankinës përfundoi pas më pak se 5 muajsh punë.