Klubi londinez i Fulhamit njoftoi zyrtarisht marrjen në drejtim të skuadrës nga ish-futbollisti dhe trajneri spanjoll, Alvaro Arbeloa. Ky është angazhimi i parë për Arbeloan në rolin e trajnerit jashtë Spanjës. Më herët, ai ka udhëhequr akademinë e Real Madridit, ekipin e dytë Real Madrid Castilla dhe ekipin e parë të klubit madrilen, të cilin e mori në janar të vitit 2026 pas shkarkimit të Xabi Alonsos.
Nën drejtimin e Arbeloas, Real Madridi e mbylli sezonin në vendin e dytë në La Liga, arriti deri në çerekfinale të Ligës së Kampionëve dhe u ndal në fazën e 1/8 së finales në Kupën e Mbretit.
Ky ndryshim në stolin e Fulhamit është pjesë e një lëvizjeje më të gjerë në futbollin evropian. Marco Silva, i cili udhëhoqi Fulhamin për pesë vjet deri në vendin e 11-të në Ligën Premier sezonin e kaluar, ka kaluar te Benfica. Ai zëvendëson atje Jose Mourinhon, i cili është rikthyer te Real Madridi për të zënë vendin e lënë bosh nga Arbeloa.