Real Madrid ka njoftuar se ka përfunduar procedurat disiplinore ndaj futbollistëve Federico Valverdes dhe Aurélien Tchouaménit, pas konflikti të enjten në qendrën stërvitore të Valdebebasit.
Të dy lojtarët u paraqitën të premten para hetuesit të caktuar nga klubi. Gjatë paraqitjes, ata shprehën pendim të plotë, i kërkuan falje njëri-tjetrit, klubit, shokëve të ekipit, stafit të trajnerëve dhe tifozëve. Për më tepër, u vunë në dispozicion të klubit për çdo sanksion.
Sipas njoftimit zyrtar, klubi vendosi gjobë financiare prej 500 mijë eurosh për secilin lojtar, duke mbyllur kështu procedurat e brendshme. Nuk parashikohen masa të tjera disiplinore.
Nga incidenti, Valverde ka mbetur i lënduar në kokë dhe pritet të mungojë deri në dy javë. Real Madrid do të luajë klasiken ndaj Barcelonës të dielën.
Përditësime
Fede Valverde goditi kokën kundër një tavoline në dhomën e zhveshjes, duke pësuar traumë në tru dhe humbje të përkohshme të kujtesës.
Rikthimi i tij pritet të zgjasë disa javë, jo dy javë siç u raportua fillimisht.