Real Madrid ka vendosur të rikthejë mesfushorin Nico Paz nga Como, ku lojtari ka kaluar dy sezone. Sipas gazetës spanjolle AS, klubi madrilen do të ushtrojë klauzolën e riblerjes për 9 milionë euro para afatit të 30 majit.
21-vjeçari argjentinas ka qenë një nga lojtarët më të spikatur te Como në Serie A, me 18 gola dhe 16 asistime në 67 paraqitje. Performanca e tij ka tërhequr interesin e klubeve të mëdha, si Inter. Ai ka luajtur nën drejtimin e trajnerit Cesc Fàbregas.
Marrëdhëniet mes Real Madridit dhe Como mbeten të mira. Si pjesë e bashkëpunimit, Como pritet të marrë huazim dy talente nga akademia e Real Madridit: sulmuesin e krahut Daniel Yáñez, i cili ka debutuar me skuadrën e parë, dhe mbrojtësin e djathtë Jesús Fortea. Të dy u shpallën kampionë të UEFA Youth League me ekipin e të rinjve të Real Madridit në finalen ndaj Brugges.
Real Madrid synon të përforcojë mesfushën, ku lojtarë si Eduardo Camavinga dhe Dani Ceballos nuk kanë siguruar stabilitet të mjaftueshëm këtë sezon. Skuadra rrezikon të mbyllë sezonin pa trofe.