RedBird Capital Partners njoftoi përfundimin e rifinancimit të AC Milanit, që forcon strukturën financiare afatgjatë të klubit.
Transaksioni zëvendëson financimin nga shitësi, të lidhur me blerjen e klubit në vitin 2022 nga subjekte të këshilluara nga Elliott Advisors UK Limited. Ky borxh zëvendësohet me financim të ri institucional nga Comvest Credit Partners.
Rifinancimi përputhet me objektivat strategjike të RedBird, pronarit të vetëm të AC Milanit. Si pjesë e transaksionit, Gordon Singer, Partner Menaxhues i Elliott, dhe Dominik Mitshel, Menaxheri i Asociuar i Portofolit, largohen nga bordi i klubit.
Nuk ka ndryshime të tjera në bord apo në ekipin drejtues, duke ruajtur vazhdimësinë operative. Geri Kardinale, Partner Menaxhues i RedBird dhe president i AC Milanit, deklaroi se gjatë tre viteve të fundit klubi është rikthyer në rentabilitet dhe është ndërtuar një bazë e qëndrueshme për të ardhmen.
Ai theksoi angazhimin afatgjatë ndaj klubit, rolit të tij në Milano dhe trashëgimisë evropiane. Projekti i San Siros është tashmë në zhvillim, duke rritur sigurinë për drejtimin e klubit.
Përditësime
RedBird ka rifinancuar borxhin e AC Milan me 550 milionë euro, duke e reduktuar në 489 milionë euro kryesore (dhjetor) plus interesat (total mbi 500 milionë euro), me maturim deri në korrik 2028. Transaksioni u përshpejtua nga marsi në javën e fundit të muajit.
Përfitimet përfshijnë:
- zgjatje të afateve të ripagimit;
- ulje të normave të interesit.
Comvest (me seli në Toronto, Kanada) merr pjesë në marrëveshje.
Scaroni mbetet president dhe Furlani CEO.