Mbrëmjen e së martës, Operatori i Sistemit, Transmisionit dhe Tregut të Energjisë Elektrike të Kosovës - KOSTT njoftoi se do të ketë reduktime të energjisë elektrike në vend për sot, 14 janar 2026, dhe nesër. Këto masa synojnë të garantojnë funksionimin e sigurt të sistemit elektroenergjetik dhe të mbrojnë integritetin e rrjetit.
Pa kaluar shumë orë nga njoftimi, Prishtina u përball me reduktime, duke ndikuar qytetarët dhe bizneset. Disa biznese u detyruan të ndezin gjeneratorët, ndërsa të tjera nuk i posedojnë.
Bizneset e prekura në Prishtinë përfshijnë:
• rrobaqepësi;
• barnatore;
• furra;
• kafene dhe kafiteri.
Këto biznese kanë mbetur pa rrymë që nga mëngjesi i 14 janarit 2026, duke shkaktuar vështirësi në punë.