Mesfushori i kombëtares së Holandës, Tijjani Reijnders, ka folur hapur lidhur me vendimin e tij për t'u larguar nga Manchester City dhe për t'iu bashkuar skuadrës saudite Al-Qadsiyah gjatë merkatos së verës së vitit 2026. Lëvizja, e cila u realizua për vlerën e 61 milionë eurove, shkaktoi reagime të shumta për shkak të momentit të karrierës së lojtarit. Reijnders, i cili kaloi te Manchester City në verën e vitit 2025 për 55 milionë euro nga Milani, qëndroi vetëm një sezon në stadiumin “Etihad”.
Në një deklaratë për mediat gjatë grumbullimit me kombëtaren, Reijnders pranoi se aspekti financiar ishte faktori kryesor i këtij vendimi. Ai theksoi se paga e ofruar nga klubi saudit, e cila llogaritet në rreth 400 mijë euro në javë, ishte e pamundur për t'u refuzuar. Sipas futbollistit, kjo kontratë 4-vjeçare me vlerë totale 100 milionë euro i mundëson atij të garantojë të ardhmen financiare edhe për pasardhësit e tij, përfshirë nipërit dhe mbesat.
“E kuptoj plotësisht ata që mendojnë se shkova në Arabi për lekë. Kur të vënë përpara një rrogë të tillë, të lutem, përpiqu të refuzosh”, u shpreh Reijnders. Përveç motiveve financiare, disa burime raportojnë se lojtari nuk ishte i kënaqur as me rolin që i ishte kërkuar të luante te klubi anglez. Pavarësisht kalimit në Arabi, lojtari vijon të jetë pjesë e planeve të kombëtares holandeze.