Rei Manaj ka munguar për herë të dytë radhazi te Sharjah FC, duke mos qenë as në stol në transfertën kundër Al Dhafrës. Ky takim i javës së 14-të të kampionatit në Emiratet e Bashkuara Arabe u mbyll me fitoren 0-2 të Sharjah FC-së.
Mungesa e sulmuesit 28-vjeçar të Kombëtares shqiptare shihet si shenjë e vendosmërisë për t’u larguar përfundimisht nga klubi arab. Dëshira kryesore e tij është rikthimi te Sivaspori në Turqi, edhe pse ka raporte për një transferim të mundshëm drejt Kinës.
Manaj është i gatshëm të heqë dorë nga rreth 4 milionë euro për këtë lëvizje. Ai pret një pritje nga rreth 2 mijë tifozë në aeroport, si dhe ndërtimin e një ekipi konkurrues për Superligën turke.
Situata e Sivasporit është e ndërlikuar, pasi klubi është i bllokuar nga FIFA. Zhbllokimi pritet që nga dita e nesërme, çka mund të hapë rrugën për negociatat dhe finalizimin e marrëveshjes.