Rey Manaj, sulmuesi 28-vjeçar shqiptar, është rikthyer te Sivasspori në Turqi pas gjashtë muajsh te Al-Sharjah në Emiratet e Bashkuara Arabe.
Ai verën e kaluar kishte kaluar te Al-Sharjah për 2 milionë euro. Me këtë ekip, Manaj realizoi 6 gola në 21 paraqitje gjatë pjesës së parë të sezonit.
Sivasspori zyrtarizoi transferimin në prani të presidentit Burak Ozçoban dhe bordit drejtues. Manaj nënshkroi kontratë të vlefshme deri në vitin 2029, ose trevjeçare e gjysmë.
Në periudhën e parë te Sivasspori, për dy sezone, ai zhvilloi 63 ndeshje, shënoi 34 gola dhe dha 7-8 asistime, sipas burimeve të ndryshme.
Skuadra renditet e 14-të në Ligën e Parë të Turqisë (kategoria e dytë), 6 pikë larg zonës së playoff.
Në karrierë, Manaj ka luajtur te Watford, Inter, Cremonese, Albacete dhe AC Pisa. Me Kombëtaren e Shqipërisë ka 10 gola në 44 ndeshje.
Përditësime
Rey Manaj kaloi testet mjekësore te Sivasspori dhe mori numrin e fanellës 9.
Ai u transferua falas pas ndërprerjes së kontratës me Sharjah.
Tifozët e pritën me entuziazëm disa ditë më parë.
Paga e tij rritet nëse Sivasspori ngjitet në Super Lig.