Industria e përpunimit të qumështit në Shqipëri nuk furnizohet plotësisht me lëndë të parë nga fermat vendase për shkak të rënies së blegtorisë dhe mungesës së teknologjisë në ferma.
Vetëm në vitin 2025, fabrikat kanë importuar 8 milionë litra qumësht nga vende si Hungaria, Serbia, Maqedonia e Veriut, Sllovenia, Austria dhe Kosova, me një kosto totale prej 5 milionë eurosh.
Të dhënat e INSTAT-it tregojnë rënie të ndjeshme në blegtori gjatë periudhës 2014-2024:
- Gjedhët: nga 500 mijë krerë në 272 mijë.
- Dele dhe dhi: 1 milionë krerë më pak.
- Shpendë: rënie me 2 milionë e 501 mijë krerë.
E vetmja rritje shihet në bletari, me 3 mijë koshere më shumë.
Arsyet e rënies
Sipas burimeve, braktisja e blegtorisë lidhet me politikat e Ministrisë së Bujqësisë, ku subvencionet për krerë nuk mbulojnë kostot e prodhimit. Fabrikat blejnë qumështin vendas me 54 lekë/litrë, ndërsa qumështi importuar kushton rreth 10 lekë më pak se ai nga zona si Lushnja.