Agjencia e Statistikave të Kosovës (ASK) ka publikuar të dhënat preliminare për indikatorët demografikë të muajit shkurt 2026, duke përfshirë lindjet, vdekjet, kurorëzimet dhe shkurorëzimet (brenda dhe jashtë Kosovës).
Në këtë muaj janë regjistruar 2.002 lindje, prej të cilave 1.030 meshkuj dhe 972 femra. Krahasuar me janarin 2026, numri i lindjeve ka rënë me 13,3%.
Janë regjistruar 901 vdekje, me 463 meshkuj dhe 438 femra, që paraqet një ulje prej 21,2% në raport me muajin e mëparshëm.
Sa i përket gjendjes civile, janë regjistruar 969 kurorëzime, me një rënie prej 29,4% krahasuar me janarin 2026.
Ndërsa, shkurorëzimet kanë shënuar rritje me 135 raste, ose 53,4% më shumë se në muajin e kaluar.
ASK thekson se të dhënat janë preliminare dhe bazohen në regjistrimet administrative të Agjencisë së Regjistrit Civil të Kosovës (ARC). Këto statistika pasqyrojnë lëvizjet mujore të indikatorëve demografikë.