Reshjet e dendura dëbore në të gjithë Japoninë, të nisura që nga 20 janari, kanë shkaktuar të paktën 45 viktima dhe mbi 500 lëndime, sipas Agjencisë së Menaxhimit të Zjarrfikësve dhe Fatkeqësive të Japonisë.
Rajoni veriperëndimor i Prefekturës Niigata regjistroi numrin më të lartë të viktimave me 17 persona të vdekur dhe mbi 170 të lënduar. Kushtet e vështira të dëborës u panë në qytetet Aomori dhe Wakkanai, ku shumë automjete u bllokuan nga dëbora.
Agjencia Meteorologjike e Japonisë ka paralajmëruar për reshje të mëtejshme të dendura dëbore në rajonet bregdetare perëndimore dhe veriore gjatë fundjavës. Kjo agjenci u ka bërë thirrje banorëve të qëndrojnë vigjilentë ndaj ndërprerjeve të trafikut rrugor dhe të jenë të kujdesshëm ndaj orteqëve në zonat me dëborë të thellë, nga Jeponia veriore në atë perëndimore.
Paralajmërimi vjen në një moment kur Japonia përgatitet për zgjedhjet e përgjithshme të së dielës.
Përditësime
Shumica e vdekjeve ndodhën ndërsa viktimat përpiqeshin të pastronin borën nga çatitë ose përreth shtëpive.
Situata ka ndikuar 15 nga 47 prefekturat, me borë deri në dy metra në disa zona.