I dërguari presidencial amerikan për misione speciale, Richard Grenell, ka njoftuar se më 16 shtator 2026 Dhomat e Specializuara në Hagë do të shpallin aktgjykimin në çështjen ndaj ish-presidentit të Kosovës, Hashim Thaçi. Nëpërmjet një postimi në platformën X, Grenell ka kritikuar ashpër ish-prokurorin Jack Smith, duke pretenduar se arrestimi i Thaçit ndodhi në kohën kur ai po udhëtonte drejt Uashingtonit për të zhvilluar negociatat përfundimtare me presidentin e atëhershëm Donald Trump për një marrëveshje ekonomike në Zyrën Ovale.
Sipas Grenell, të gjitha çështjet gjyqësore të Jack Smith në Shtetet e Bashkuara kanë dështuar, ndërsa rasti ndaj Thaçit mbetet i fundit në proces në Evropë. Ai ka shtuar se për mbrojtjen e ish-presidentit kanë dëshmuar në Hagë edhe demokratë amerikanë, të cilët i kanë cilësuar pretendimet e prokurorisë si të pavërteta. Grenell theksoi se për Hashim Thaçin ekziston një mbështetje e gjerë nga të dyja krahët politikë në SHBA.
Ndërkohë, në Prishtinë është mbajtur një marshim në mbështetje të ish-krerëve të Ushtrisë Çlirimtare të Kosovës (UÇK), ku sipas organizatorëve të nismës "Liria ka emër" morën pjesë rreth 100 mijë qytetarë. Ky organizim u zhvillua pak ditë para shpalljes së vendimit për Hashim Thaçin, Kadri Veselin, Rexhep Selimin dhe Jakup Krasniqin.