Në Qendrën e Numërimit dhe Rezultateve vazhdon procesi i rinumërimit të fletëvotimeve për vendvotimet e përcaktuara nga Komisioni Qendror i Zgjedhjeve (KQZ).
Nga fillimi i këtij procesi, më 13 janar 2026 në orën 18:00, deri më 29 janar 2026 në orën 10:00, janë rinumëruar rreth 88%, pra 2 245 nga gjithsej 2 557 vendvotime.
Procesi është përmbyllur plotësisht në 34 komuna. Sipas zëdhënësit të KQZ-së, Valmir Elezi, kanë mbetur për rinumërim vetëm 312 vendvotime që i takojnë 4 komunave të fundit.
Rezultatet e rinumërimit publikohen vazhdimisht në platformën zyrtare të KQZ-së: https://resultsparliamentary2025.kqz-ks.org/ në seksionin QNR > Rinumërim.
Përditësime
Rinumërimi i votave ka arritur mbi 90% (2,329 nga 2,557 vendvotime) deri në orën 16:00 të 29 janarit.
Mbeten 228 vendvotime për rinumërim (në vend të 312), në komunat Podujevë, Prishtinë, Shtërpcë dhe Suharekë.
Rinumërimi i votave në Kosovë ka arritur mbi 94% (2.414 nga 2.557 vendvotime) deri më 30 janar 2026, në orën 08:00. Procesi pritet të mbyllet sot.