Ministrja e Ekonomisë së Kosovës, Artane Rizvanolli, priti në takim ambasadorin e Bashkimit Evropian në Kosovë, Aivo Orav, më 17 mars 2026, me rastin e përfundimit të mandatit të tij.
Gjatë takimit, të dy palët vlerësuan bashkëpunimin e deritanishëm midis Ministrisë së Ekonomisë dhe Bashkimit Evropian si konstruktiv dhe miqësor. Ata theksuan rëndësinë e këtij partneriteti në mbështetje të reformave dhe proceseve zhvillimore në vend.
Rizvanolli falënderoi Orav për angazhimin dhe punën e tij gjatë shërbimit në Kosovë, si dhe për kontributin në lehtësimin e proceseve të rëndësishme për vendin, në dobi të forcimit institucional dhe avancimit të reformave. Ministrja shprehu mirënjohje për bashkëpunimin e afërt dhe përkushtimin e tij ndaj Kosovës, duke i uruar suksese në angazhimet e ardhshme.