Sulmuesi legjendar polak, Robert Lewandowski, është pranë finalizimit të një lëvizjeje drejt futbollit amerikan, te skuadra e Chicago Fire. Pas një karriere të pasur në futbollin evropian, ku ka lënë gjurmë me klube si Borussia Dortmund, Bayern Munich dhe së fundmi Barcelona, lojtari ka vendosur të pranojë ofertën nga liga MLS.
Sipas raportimeve nga eksperti i merkatos, Fabrizio Romano, marrëveshja mes palëve është arritur pas një vizite që futbollisti ka zhvilluar në qytetin e Çikagos rreth dy javë më parë. Gjatë kësaj vizite, 36-vjeçari është njohur me ambientet e klubit dhe projektin sportiv, duke dhënë pëlqimin e tij për të vazhduar karrierën përtej Atlantikut.
Ky transferim vlerësohet si një nga lëvizjet më të rëndësishme në historinë e Chicago Fire. Përveç cilësive teknike, ardhja e Lewandowski-t pritet të ketë ndikim të madh për shkak të komunitetit të konsiderueshëm polak që jeton në Çikago, faktor që besohet se do të rrisë interesimin e tifozëve. Nënshkrimi zyrtar i kontratës pritet të ndodhë në fillim të javës së ardhshme, duke konfirmuar zyrtarisht ndarjen e tij nga futbolli evropian.
Përditësime
Chicago Fire ka zyrtarizuar transferimin e Robert Lewandowski-t këtë të hënë. 37-vjeçari është bashkuar me klubin si lojtar i lirë, duke nënshkruar një kontratë deri në vitin 2028.