Pas eliminimit të Portugalisë nga Kupa e Botës 2026, tekniku Roberto Martinez njoftoi zyrtarisht përfundimin e mandatit të tij në krye të përfaqësueses luzitane. Martinez, i cili e mori drejtimin e ekipit në janar të vitit 2023, deklaroi se cikli i tij ka përfunduar pasi objektivi për fitimin e trofeut botëror nuk u arrit.
Sipas raportimeve nga e përditshmja portugeze A Bola, drejtuesit e Federatës Portugeze të Futbollit kanë identifikuar Jorge Jesus si zëvendësuesin ideal për të nisur një kapitull të ri. Jorge Jesus, 71 vjeç, është aktualisht pa angazhim pas largimit nga klubi i Al Nassr.
Presidenti i Federatës, Pedro Proença, pritet të zhvillojë një takim me Jesus pas kthimit të delegacionit portugez në atdhe për të finalizuar marrëveshjen. Në rast se ky emërim zyrtarizohet, misioni i trajnerit të ri do të përqendrohet te përgatitjet për Euro 2028 dhe Botërorin 2030, ky i fundit një event që Portugalia do ta bashkëorganizojë së bashku me Spanjën dhe Marokun.