Performancat mbresëlënëse të Rodrit në Kupën e Botës 2026 kanë ndryshuar qasjen e Real Madridit në merkato. Ndonëse më herët presidenti Florentino Perez kishte dyshime për shkak të një dëmtimi në gju të lojtarit, klubi madrilen është tashmë i gatshëm të eksplorojë mundësinë e transferimit. Sipas gazetarit Matteo Moretto, mesfushori ka dhënë miratimin për kalimin në stadiumin Santiago Bernabeu dhe marrëveshja për kushtet personale është pranë finalizimit.
Në krahun tjetër, Manchester City po tenton ta mbajë liderin e mesfushës duke i ofruar një kontratë afatgjatë me kushte të përmirësuara financiare. Kontrata aktuale e 30-vjeçarit me kampionët anglezë skadon në verën e vitit 2027. Përkundër zërave, ende nuk ka nisur një negociatë zyrtare midis dy klubeve.
Suksesi i Spanjës në Botëror, ku Rodri u shpall lojtari më i mirë i kompeticionit, ka rritur ndjeshëm interesimin e tifozëve madrilenë. Përpara se të marrë një vendim përfundimtar, mesfushori dëshiron qartësi mbi projektin e Real Madridit dhe rolin që do të ketë në ekip, duke vlerësuar alternativën e rinovimit me Manchester Cityn.
Përditësime
Drejtuesit e Real Madridit kanë zhvilluar një takim me agjentët e mesfushorit Rodri, ku i kanë paraqitur një ofertë për kontratë afatgjatë deri në vitin 2030.