Një emigrant shqiptar i paligjshëm, Romeo Zani, 32 vjeç, do të deportohet për herë të pestë nga Mbretëria e Bashkuar. Ai u kap i fshehur në pjesën e pasme të një rimorkioje dhe pranoi shkeljen e urdhrit të dëbimit të tij të pacaktuar.
Sipas Daily Mail, ngjarja u trajtua në Gjykatën e Kurorës në Newcastle të martën. Zani u bë i njohur për herë të parë me Forcën Kufitare në vitin 2017, kur rrëfeu se kishte hyrë në vend nga pjesa e pasme e një kamioni dhe kishte punuar ilegalisht.
Që nga atëherë, ai është kapur duke u përpjekur të hyjë në Britani me mjete të ndryshme, përfshirë një jaht në Falmouth. Zani kaloi një vit i fshehur dhe ka vuajtur dënime burgu për krime të ndryshme.
Regjistruesi Nicholas Worsley e dënoi Zanin me dy vjet burg për përpjekjen flagrante për të shkelur urdhrin e dëbimit. Ai i tha se ky do të jetë rasti i pestë i dëbimit nga Mbretëria e Bashkuar.