Kompania Rajonale e Ujësjellësit “Prishtina” sh.a. ka njoftuar se një rrëshqitje e dheut në lokacionin Shkabaj ka dëmtuar gypin kryesor furnizues të Instalacionit Trajtues të Ujit (ITU Shkabaj).
Për shkak të këtij dëmtimi, priten reduktime në furnizimin me ujë në Fushë Kosovë, Obiliq dhe lagjen Emshir. Ndikime të mundshme do të ketë edhe në pjesë të tjera të qytetit të Prishtinës.
Ekipet teknike të kompanisë ndodhen në terren dhe po punojnë për sanimin e problemit. Për orarin e saktë të reduktimeve, do të njoftohet në vazhdim.
Në njoftimin zyrtar thuhet: «Ekipet tona teknike ndodhen në terren dhe po punojnë intensivisht për sanimin e problemit. Për orarin e reduktimeve do t’ju mbajmë të informuar në vazhdim. Ju falënderojmë për mirëkuptim!».