Kompania Rajonale e Ujësjellësit “Prishtina” ka njoftuar se furnizimi me ujë të pijshëm është ndërprerë në një pjesë të qytetit të Obiliqit dhe në disa fshatra për shkak të dëmtimit të gypit Ø200 ACC.
Dëmin e kanë shkaktuar kontraktorë privatë, të cilët nuk e kanë raportuar atë. Zonë të prekura janë lagjja kah Kosova B në qytetin e Obiliqit, si dhe fshatrat Plemetin, Prelluzhë dhe Hamidi.
Kompania ka bërë të ditur se furnizimi do të rikthehet pas sanimit të plotë të dëmit. Konsumatorëve u kërkohet të mos e përdorin ujin për pije derisa të jetë plotësisht i kthjellët.