Një bombardues i tipit B-52 Stratofortress është rrëzuar të hënën menjëherë pas ngritjes nga Baza Ajrore Edwards, e vendosur në shkretëtirën Mojave, në verilindje të Los Anxhelosit. Njoftimi zyrtar nga baza ushtarake konfirmon se ngjarja ka ndodhur në orën 11:20 të paradites.
Ekipet e shpëtimit kanë mbërritur menjëherë në vendin e aksidentit për të menaxhuar situatën. Pamjet nga zona tregojnë një re të madhe tymi të zi, ndërsa autoritetet kanë urdhëruar mbylljen e përkohshme të fushës ajrore dhe devijimin e trafikut tjetër ajror.
Aktualisht, nuk ka informacion të konfirmuar lidhur me fatin e ekuipazhit, i cili në avionët e këtij lloji përbëhet zakonisht nga 5 persona. Forcat Ajrore të SHBA-së kanë deklaruar se hetimet për zbardhjen e shkaqeve të rrëzimit janë duke vazhduar dhe detaje të mëtejshme do të bëhen publike sapo të jenë të disponueshme.