Aksidenti ndodhi të hënën, rreth orës 11:20 sipas kohës lokale, gjatë një misioni provë për modernizimin e radarëve. Avioni u rrëzua menjëherë pas ngritjes në pistën e Bazës Ajrore Edwards, duke u përfshirë nga flakët, ndërsa një re e madhe tymi u krijua në vendngjarje.
Koloneli James Hayes njoftoi se përplasja ishte plotësisht e kufizuar brenda perimetrit të bazës dhe konfirmoi se nuk ka të mbijetuar. Të gjitha aktivitetet në bazë janë pezulluar përkohësisht pas kësaj tragjedie.
Autoritetet kanë nisur zyrtarisht hetimet për të përcaktuar shkaqet e rrëzimit. Ekspertët parashikojnë se një raport paraprak mund të publikohet brenda 30 ditësh, ndërsa hetimi i plotë mund të zgjasë më shumë se gjashtë muaj.
Guvernatori i Kalifornisë, Gavin Newsom, shprehu ngushëllimet për familjet e viktimave dhe komunitetin e bazës pas kësaj ngjarjeje tragjike.