Numri i viktimave nga dy tërmetet e njëpasnjëshme që goditën Venezuelën javën e kaluar është rritur në 1719, njoftoi presidenti i Asamblesë Kombëtare, Jorge Rodríguez. Në një deklaratë për televizionin shtetëror, ai bëri të ditur se përveç humbjeve të jetëve, janë lënduar 5034 persona, ndërsa fatkeqësia ka prekur 15866 familje, shumë prej të cilave kanë mbetur të pastreha.
Sipas të dhënave të Shërbimit Gjeologjik të Shteteve të Bashkuara (USGS), goditjet sizmike ndodhën më 24 qershor me një diferencë prej vetëm 39 sekondash mes tyre. Tërmeti me magnitudë 7.5 kishte epiqendrën 23 kilometra në juglindje të Yumares, ndërsa lëkundja me magnitudë 7.2 u regjistrua 23.9 kilometra në verilindje të San Felipes. Të dyja lëkundjet goditën shtetin e Yaracuy.
Autoritetet vijojnë operacionet e kërkim-shpëtimit në terren dhe punën për vlerësimin e dëmeve të shkaktuara nga kjo fatkeqësi natyrore.