Sekretari amerikan i Shtetit, Marco Rubio, udhëton më 21 maj për në Suedi për të marrë pjesë në takimin e ministrave të Jashtëm të NATO-s. Mbledhja do të zhvillohet më 22 maj në Helsingborg dhe përbën një nga takimet e fundit në nivel të lartë para samitit të aleancës në Ankara në korrik.
Sipas Departamentit të Shtetit, Rubio do të bëjë thirrje për rritje të shpenzimeve të mbrojtjes dhe për ndarje më të madhe të barrës midis aleatëve. Fokusi do të jetë gjithashtu te siguria në Arktik.
Takimi zhvillohet në një periudhë pasigurie. Zyrtarët evropianë kërkojnë qartësi lidhur me shkallën e zvogëlimit të pranisë ushtarake amerikane në Evropë. Më herët gjatë muajit, presidenti Donald Trump njoftoi tërheqjen e 5.000 trupave nga Gjermania. Pentagoni konfirmoi anulimin e dislokimit të planifikuar të rreth 4.000 ushtarëve në Poloni dhe pezullimin e një batalioni me raketa Tomahawk në Gjermani.
Një diplomat i lartë evropian, që foli për Radion Evropa e Lirë në kushte anonimiteti, paralajmëroi se mungesa e komunikimit po minon aftësinë parandaluese të aleancës. Ai theksoi se vendet e Baltikut hasin vështirësi në planifikim për shkak të mungesës së informacionit të qartë.
Përditësime
Presidenti Donald Trump njoftoi më 21 maj në rrjetet sociale se Shtetet e Bashkuara do të dërgojnë 5,000 trupa shtesë në Poloni, duke lidhur vendimin me zgjedhjen e Presidentit Karol Nawrocki.