Sekretari i Shtetit i Shteteve të Bashkuara të Amerikës, Marco Rubio, do të udhëtojë në Helsingborg të Suedisë më 22 maj për të marrë pjesë në Takimin e Ministrave të Jashtëm të NATO-s.
Sipas njoftimit të Departamentit të Shtetit, në takim do të diskutohet nevoja për rritje të investimeve në mbrojtje dhe ndarje më të madhe të barrës brenda Aleancës. Rubio do të takohet me homologët e tij nga shtatë vendet e Arktikut për të diskutuar interesat e përbashkëta ekonomike dhe të sigurisë në Arktik.
Ai do të zhvillojë gjithashtu takime dypalëshe me kryeministrin suedez Ulf Kristersson dhe sekretarin e përgjithshëm të NATO-s Mark Rutte. Pas takimit në Suedi, Rubio do të udhëtojë për në Indi nga data 23 deri më 26 maj, ku do të vizitojë Kalkutën, Agrën, Jaipurin dhe Nju Delhin.