Mark Rutte, Sekretari i Përgjithshëm i NATO-s, deklaroi se Rusia ka pësuar humbje të rënda gjatë muajve të fundit. Sipas tij, forcat ruse kanë humbur rreth 65 mijë ushtarë vetëm në dhjetor dhe janar.
Ai shtoi se përparimet territoriale ruse në rajonin e Donetsk-ut dhe në zona të tjera janë minimale dhe pothuajse të parëndësishme krahasuar me koston e lartë njerëzore. “Nëse ka një diktator në Moskë i gatshëm të bëjë këtë, atëherë kemi të bëjmë me dikë që është i gatshëm të sakrifikojë kaq shumë nga njerëzit e tij. Duhet ta marrim këtë seriozisht, sepse kjo është sjellje e çmendur”, u shpreh Rutte.
Kreut të NATO-s i kritikoi vendimin e Vladimir Putin-it për të dërguar një historian si përfaqësues në bisedimet e ardhshme në Gjenevë. Rutte parashikoi se ky historian pritet “t’u mbajë leksione ukrainasve për Suedinë apo çfarëdo tjetër”, në vend që të fokusohet në përparime konkrete drejt zgjidhjes së konfliktit.
Deklaratat vijnë në një kohë kur luftimet në lindje të Ukrainës mbeten intensive. NATO ripërsërit mbështetjen për Kievin dhe nevojën për presion të shtuar ndaj Moskës.