Deputeti i Lidhjes Demokratike të Kosovës (LDK), Ermal Sadiku, deklaroi se partia e tij ka kandidat për President të Kosovës. Ai konfirmoi se kryetari Lumir Abdixhiku u takua këtë javë me kryeministrin Albin Kurti, kryetarin e Partisë Demokratike të Kosovës (PDK), Bedri Hamzën, si dhe liderin e Aleancës për Ardhmërinë e Kosovës (AAK), Ramush Haradinajn.
Në emisionin "Rubikon" të Klan Kosovës, Sadiku theksoi se LDK po ofron mënyrën më institucionale për të vepruar me përgjegjësi, duke synuar ruajtjen e demokracisë në vend. Ai përmendi se po punohen dy opsione për të ecur përpara dhe për të shmangur zgjedhjet.
"Kryetari Abdixhiku është takuar me secilin kryetar të partive politike. Është takuar me anëtarë të PDK-së, me kryetarin e PDK-së, AAK-së, me zotëri Kurtin, këtë javë", u shpreh Sadiku.