Ervin Salianji, ish-deputet i Partisë Demokratike (PD), zhvilloi sot një takim në Vlorë me strukturat e partisë, pjesë e turit të tij nëpër Shqipëri.
Gjatë fjalës, Salianji kritikoi lidershipin e PD-së, duke thënë se opozita e dobët po mban në pushtet qeverinë e Edi Ramës. "Nuk mund të fshihemi pas justifikimeve. Nuk mund të fajësojmë vetëm manipulimet. Një qeveri e keqe qëndron në pushtet vetëm nëse ka një opozitë të dobët", deklaroi ai.
Sipas Salianjit, PD është në katastrofë elektorale, pasi qytetarët nuk e besojnë lidershipin e saj. "Kur nuk besojnë aq sa duhet, nuk fajësohet populli, ndryshojnë politikanët. Është përgjegjësia e drejtuesve të PD-së, e kryetarit të PD-së. Ne duhet ta bëjmë një PD fituese", shtoi ai.
Ai vuri në dukje se protestat me fishekzjarrë nuk kanë sjellë ndryshime: "Pse pavarësisht kalbëzimit të qeverisjes, asnjë gjë nuk po ndodh përveç hedhjes së fishekzjarrëve?". Salianji akuzoi PD-në se po bunkerizohet, shpik armiq imagjinarë dhe bën premtime apokaliptike, pa qartësi apo strategji.
Ndër kritikat e tjera, ai përmendi mungesën e grave në kryesinë e vogël për shkak të vendimmarrjeve të gabuara dhe nevojën për zbatim të Kushtetutës së PD-së. Për Sali Berishën, Salianji tha se ai ka status të veçantë, por rikandidimi pa garë dhe përjashtimi i kontributorëve dëmtojnë partinë. "PD nuk po shkon përtej vetes drejt njerëzve", nënvizoi ai.
Përditësime
Erion Salianji deklaroi në Vlorë se "Politika nuk është për njerëz që rrijnë rrotull lidershipit". Ndryshimi do të vijë nga sallat dhe jo nga ata që "flenë mbi dafina", tha ai. Ai bëri thirrje për bashkim: "Bashkohuni me ne, sepse do të sjellim rotacionin politik". Salianji theksoi pranimin e njerëzve të rinj, demokracinë brenda PD-së dhe një frymë të re nga Vlora.
Ervin Salianji deklaroi se "Opozita nuk duhet të funksionojë si një klub i mbyllur shokësh! Nuk duhet të ketë frikë nga konkurrenca".
Ai kritikoi lidershipin e opozitës, duke thënë se komuniteti ndërkombëtar nuk afrohet me të njëjtët njerëz.
Citate të reja nga Salianji:
- "Ramaduro është prapë aty"
- "Nuk kemi sharë dhe ofenduar askënd"
- "Gjueti shtrigash"
- "Vendosur tapa në vesh"
Salianji ka qenë anëtar i Partisë Demokratike që në fëmijëri, duke u nisur në moshën 15-vjeçare.