Gjatë orëve të vona të së enjtes, forcat e Policisë së Sarandës, në bashkëpunim me efektivët e FNSH, kanë ndërhyrë në një lokal në afërsi të plazhit në lagjen nr.4.
Sipas informacioneve paraprake, gjatë kontrollit të ushtruar në ambientet e lokalit, shërbimet policore kanë gjetur dhe sekuestruar një armë zjarri, si dhe sasi të dyshuara të lëndës narkotike.
Në vijim të veprimeve procedurale, uniformat blu kanë shoqëruar disa persona, të cilët janë banorë të qytetit të Sarandës. Grupi hetimor po punon për zbardhjen e plotë të rrethanave të ngjarjes dhe përcaktimin e përgjegjësisë së personave të shoqëruar në lidhje me sendet e paligjshme të gjetura në vendin e ngjarjes.